គណៈកម្មការសម្របសម្រួលស្ថិតិ ត្រូវធ្វើកិច្ចប្រជុំយ៉ាងតិចមួយប្រជុំក្នុងមួយត្រីមាស។
គ្រប់កិច្ចប្រជុំរបស់គណៈកម្មការសម្របសម្រួលស្ថិតិ ត្រូវមាន អត្រាចូលរួម (Quorum) យ៉ាងហោចណាស់ពាក់កណ្តាលសមាជិកទាំងអស់ ដើម្បីអាចបើកកិច្ចប្រជុំបាន។

ភារកិច្ចរបស់គណៈកម្មការសម្របសម្រួលស្ថិតិ គឺជួយគាំទ្រស្ថាប័នជាតិស្ថិតិ ក្នុងកិច្ចការ៖

• រៀបចំគោលនយោបាយ  នីតិវិធី និងច្បាប់ទាក់ទងនឹងប្រព័ន្ធស្ថិតិជាតិ និងស្ថិតិផ្លូវការ។

• បង្កើតប្រព័ន្ធស្ថិតិជាតិរួមមួយ ដោយសម្របសម្រួល និងសហការយ៉ាងមានប្រសិទ្ធភាពលើសកម្មភាពស្ថិតិ និងការអភិវឌ្ឍស្ថិតិ រវាងអង្គភាពស្ថិតិដែលបានកំណត់ រួមទាំងស្ថាប័នជាតិស្ថិតិ ដើម្បីទទួលខុសត្រូវលើការផលិត និងចែកចាយស្ថិតិផ្លូវការ។

• បង្កើន និងពង្រីកប្រព័ន្ធស្ថិតិជាតិ និងស្ថិតិផ្លូវការ សម្រាប់បម្រើផលប្រយោជន៍សាធារណៈ។

• កំណត់អាទិភាពលើកម្មវិធីការងារប្រចាំឆ្នាំ អន្តរកាល និងវែង ដែលទាក់ទងនឹងវិស័យសំខាន់ៗនៃស្ថិតិផ្លូវការ ដោយផ្តល់សេវាពីស្ថាប័នជាតិស្ថិតិ និងអង្គភាពស្ថិតិដែលបានកំណត់។

• រៀបចំ និងធ្វើបច្ចុប្បន្នភាព ផែនការអធិប្បាយស្ថិតិ (Statistics Master Plan)។

• គ្រោងទុកការធ្វើជំរឿនប្រជាជន កសិកម្ម និងសហគ្រាស។

• បង្កើតបញ្ជីបណ្ណសារអាជីវកម្ម ឬប្រជាជន ព្រមទាំងបញ្ជីប្រភពទិន្នន័យរដ្ឋបាល និងស្ថិតិ ដែលទាក់ទងនឹងប្រព័ន្ធស្ថិតិជាតិ ហើយថែទាំឲ្យមានប្រសិទ្ធភាព និងធ្វើបច្ចុប្បន្នភាពជារៀងរាល់ឆ្នាំ។

• ការធ្វើកិច្ចព្រមព្រៀងសហការនិងសម្របសម្រួលរវាងក្រសួង ស្ថាប័ន និងអង្គភាពរដ្ឋផ្សេងៗ ស្តីពីការចែករំលែកទិន្នន័យ និងផ្តល់ស្ថិតិផ្លូវការដែលមានភាពត្រឹមត្រូវ និងទាន់ពេលវេលា។

• បង្កើតក្រុមការងារបច្ចេកទេសថ្នាក់ខ្ពស់ ឬថ្នាក់អចិន្រ្តៃយ៍ សម្រាប់ស្ថិតិជាក់លាក់ ឬបញ្ហាស្ថិតិផ្សេងៗទាក់ទងនឹងប្រព័ន្ធស្ថិតិជាតិ និងស្ថិតិផ្លូវការ។

• ប្រកាស និងអនុវត្តប្រភេទចាត់ថ្នាក់ស្ថិតិ និងស្តង់ដារទាក់ទងនឹងស្ថិតិផ្លូវការ។

• រៀបចំថវិកា និងផែនការបុគ្គលិកសម្រាប់អង្គភាពស្ថិតិ ដែលបានកំណត់ រួមទាំងស្ថាប័នជាតិស្ថិតិ ដើម្បីអនុវត្តជំរឿន ការស្ទង់មតិ ការផលិត និងចែកចាយស្ថិតិផ្លូវការ សម្រាប់ប្រជាជន។

សិទ្ធិនៃគណៈកម្មការសម្របសម្រួលស្ថិតិ
គណៈកម្មការ អាចបង្កើតក្រុមការងារបច្ចេកទេសថ្នាក់ខ្ពស់ ឬអចិន្រ្តៃយ៍ ដើម្បីដោះស្រាយបញ្ហាបច្ចេកទេសស្ថិតិជាក់លាក់ ដែលត្រូវការការសិក្សា និងពិភាក្សាលម្អិត។
គណៈកម្មការត្រូវកំណត់លក្ខខណ្ឌយោង (Terms of Reference) ដែលបញ្ជាក់ពីភារកិច្ច និងការរៀបចំរបាយការណ៍លទ្ធផលរបស់ក្រុមការងារបច្ចេកទេសនីមួយៗ។

សមាសភាពក្រុមការងារបច្ចេកទេសនីមួយៗរួមមាន៖

• សមាជិកមួយរបស់គណៈកម្មការសម្របសម្រួលស្ថិតិ ជា ប្រធានក្រុម

• អនុប្រធាននាយក ឬនាយកនាយកដ្ឋានមួយ នៃស្ថាប័នជាតិស្ថិតិ ជា អនុប្រធានក្រុម

• សមាជិកផ្សេងទៀត មកពីក្រសួង ឬស្ថាប័នរដ្ឋដែលពាក់ព័ន្ធ រួមទាំងស្ថាប័នជាតិស្ថិតិ ដែលមានចំនួនមិនលើសពី ៥ នាក់ តាមការកំណត់របស់គណៈកម្មការ ជា សមាជិក

គ្រប់កិច្ចប្រជុំរបស់គណៈកម្មការសម្របសម្រួលស្ថិតិ ត្រូវមានកំណត់ហេតុប្រជុំ (Minutes)។