ក្រុមប្រឹក្សាប្រឹក្សាយោបល់ស្ថិតិត្រូវប្រជុំយ៉ាងតិចពីរដងក្នុងមួយឆ្នាំ។ រាល់ការប្រជុំរបស់ក្រុមប្រឹក្សាប្រឹក្សាយោបល់ស្ថិតិ កូរ៉ុមត្រូវមានយ៉ាងតិចពាក់កណ្តាលនៃសមាជិកទាំងអស់ ដើម្បីដំណើរការកិច្ចប្រជុំ។

ក្រុមប្រឹក្សាប្រឹក្សាយោបល់ស្ថិតិមានមុខងារផ្តល់ប្រឹក្សាយោបល់ជូនរដ្ឋមន្ត្រីក្រសួងផែនការ ទាក់ទងនឹង៖

• ការកំណត់អត្តសញ្ញាណនៃគោលនយោបាយស្ថិតិផ្លូវការ។

• តម្រូវការនៃស្ថិតិផ្លូវការ និងការផ្តល់អាទិភាពដល់គម្រោងការងារស្ថិតិដែលត្រូវបានស្នើសុំដោយវិទ្យាស្ថានជាតិស្ថិតិ និងអង្គភាពស្ថិតិដែលបានកំណត់។

• ការកែលម្អ ការពង្រីក និងការសម្របសម្រួលនៃប្រព័ន្ធស្ថិតិជាតិ និងស្ថិតិផ្លូវការដែលបានកំណត់សម្រាប់គោលបំណងសាធារណៈ។

• ការធ្វើបច្ចុប្បន្នភាពច្បាប់ស្ថិតិ អនុក្រឹត្យ និងលិខិតបទដ្ឋានគតិយុត្តទាក់ទងនឹងកិច្ចការស្ថិតិ។

• អាទិភាពរយៈពេលខ្លី មធ្យម និងវែង ប្រចាំឆ្នាំ នៃកម្មវិធីការងារស្ថិតិរបស់វិទ្យាស្ថានជាតិស្ថិតិ និងអង្គភាពស្ថិតិដែលបានកំណត់ដែលពាក់ព័ន្ធនឹងការផលិតស្ថិតិផ្លូវការ។

• ផែនការមេស្ថិតិ។

• ការកំណត់កាលបរិច្ឆេទនៃការធ្វើជំរឿនប្រជាជន កសិកម្ម និងគ្រឹះស្ថាន។

• កិច្ចការផ្សេងទៀតដែលទាក់ទងជាទូទៅទៅនឹងប្រព័ន្ធស្ថិតិជាតិ និងស្ថិតិផ្លូវការ។

• ការស្វែងរកជំនួយ និងការគាំទ្រ ធនធានហិរញ្ញវត្ថុ និងមនុស្ស ដែលត្រូវការដោយវិទ្យាស្ថានជាតិស្ថិតិ និងអង្គភាពស្ថិតិដែលបានកំណត់ ដើម្បីធ្វើជំរឿន ការអង្កេត ផលិត និងផ្សព្វផ្សាយស្ថិតិផ្លូវការសម្រាប់គោលបំណងសាធារណៈ។

រាល់ការប្រជុំរបស់ក្រុមប្រឹក្សាប្រឹក្សាយោបល់ស្ថិតិ ត្រូវមានកំណត់ហេតុមួយ៖